விநோ

  "சாதி இந்துக்களால் தீண்டப்படாதோர் எப்படி நடத்தப்படுகிறார்கள் என்பதைத் தெளிவாகப் புரியும்படி எப்படி விளக்குவது என்பதே நம்முன் உள்ள பிரச்சினையாகும். இந்நோக்கத்தை அடைந்தேற, பொதுவாக விவரித்துச் செல்வது, தீண்டப்படாதோர் எப்படி நடத்தப்படுகிறார்கள் என்பதைக் காட்டும் நிகழ்வுகளைப் பதிவு செய்வது எனும் இரு வழிமுறைகள் உள்ளன. பொதுவாக விவரிப்பதை விட நிகழ்வுகளைக் கவனப்படுத்துவது மேலானதாக இருக்கும் என உணர்ந்திருக்கிறேன்." - டாக்டர் பி.ஆர். அம்பேத்கர் இந்தியாவில், சாதி இந்துக்களால் தீண்டப்படாதோர் நடத்தப்படும் விதத்தைக் குறித்து, டாக்டர் பி.ஆர். அம்பேத்கர் தனது சொந்த வாழ்வனுபவங்கள் வாயிலாகவும் தான் அறிந்த சம்பவங்கள் வாயிலாகவும் இந்த நூலில் விளக்குகிறார். ஆறு பகுதிகளை உள்ளடக்கிய இச்சிறுநூலில், முதல் நான்கு பகுதிகள் அவர் நேரடியாகச் சம்பந்தப்பட்ட நிகழ்வுகளை மையம் கொண்டவை. மற்ற இரு பகுதிகள் பிறருக்கு நிகழ்ந்து அவர் அறிந்தவை. தீண்டாமையை ஒட்டுமொத்த இந்தியச் சமூகமே இயல்பான ஒன்று என்பதைப் போல ஏற்றுக்கொண்டிருக்கும் சூழலில், தீண்டாமையைக் குறித்து முதன்முதலாக யோசிக்க வைக்கும் அளவுக்கு, அம்பேத்கர் வாழ்வி